संपादक की कलम से… हर घर तिरंगा ले मिलिस हमर। – छ.ग.का नंबर 1 न्यूज़ पोर्टल


तरुण कौशिक, संपादक
छत्तीसगढ़ ही नई बल्कि पूरा देस बर घर- घर तिरंगा, हर घर तिरंगा फहराए ले हर घर म एक जवान ह सैनिक बनेच के सपना देखे हवै अउ ए सरकारी आयोजन ले आज हमर देस बर शहीद होईया जवान मन ल सच्चे मन से श्रद्धाजंलि मिलिस हे।
हमर परदेस अउ देस म पहिली पईत आजादी के तिहार म हर घर तिरंगा फहराए गईस ,जेखर से आज हमर देस ह विश्व म एक अउ नवा इतिहास रचिस हे । निश्चित रुप ले हम सबो ल हर दिन तिरंगा फहरा के हमर भारत देस ल आजादी दिलावाईया अऊ हमर देस – परदेस के सुरक्षा म शहीद होए जवान मन ल सबो लोगन ह अपन घर म तिरंगा फहरा के श्रद्धाजंलि दिस बल्कि आज सरकार के ए आयोजन से जवान मन ल हौंसला मिलत हे । आज हमन हमर देस – परदेस के सुरक्षा ल लेके शहीद होए जवान मन ल घलोक भूलागे हन फेर आज घरों – घर तिरंगा फहराए से आज हमन जवान, सैनिक मन के हौंसला बढ़ाए के काम करे हन। हमन ल अब अपन घर – दूवारी म हर रोज तिरंगा फहराए के जरुरत हे अऊ संगे संग तिरंगा के सम्मान घलोक बनाए बर अपन आप ल तैयार करे ल पडही। निश्चित रुप ले घर – घर तिरंगा अउ छत्तीसगढ़ राज म आजादी के महोत्सव बर कांग्रेसी मन के पदयात्रा ल राजनीति से ऊपर उठ के आजादी के महोत्सव, भारत जोड़ों अभियान म हम सबो ल सामिल होना चाही। आईसन अभियान से हमर जवान मन ल हौंसला मिलत हे , अउ घर-घर म एक लईका ह देस – परदेस के सेवा करे बर ओखर अंतरास म देस भक्ति जगे लगिस अउ अब लईका मन खुद ल आर्मी म जाए बर तैयार करे लगिस । निश्चित रुप ले आज हमर देस ल आजाद होए 75 साल होके फेर आज तक आईसन आयोजन नई होए रहिस ।आज ए आयोजन से हमर परदेस- देस वासी मन सबो डहर से खुद ल देस भक्ति म डूबाके देस भक्ति के गंगा म स्नान करिस ,धन्यवाद सरकार ल जऊन शहीद मन के सम्मान बर घर- घर तिरंगा फहराए के निर्णय लेके सबो के दिल म देस भक्ति जगाईस..!